१३ पुस, काठमाडौँ । नेपाली राष्ट्रिय क्रिकेट टोलीका प्रमुख प्रशिक्षक पुबुदु दासानायके नेपाल आइपुगेका छन्। मंगलबार विहान नेपाल आइपुगेका पुबुदुलाई नेपाल क्रिकेट संघ (क्यान) का क्रिकेट म्यानेजर विनोद दासले त्रिभुवन विमानस्थलमा स्वागत गरेका थिए।
यसअघि क्यानले मंसिर २५ मा पुबुदुलाई प्रशिक्षक नियुक्त गरेको थियो।
५१ वर्षीय पुबुदु यसअघि सन् २०११ मा नेपालको प्रशिक्षक नियुक्त भएका थिए। सन् २०१५ मा क्यानसँग विवाद भएपछि नेपाली क्रिकेट टिमको प्रशिक्षकबाट राजीनामा दिएका उनले पपुवान्युगिनीविरूद्ध अन्तिम खेल खेलाएका थिए।
‘‘यो सबै चुनौती स्वीकार गरेर नै मैले नेपालको प्रशिक्षक बन्ने निर्णय गरेको हुँ । त्यसका लागि म तयार छु,’’ उनले विमानस्थलमा भने ।
प्रतिक्रिया दिनुहोस्