११ पुस, काठमाडौँ। उपाधि होडमा रहेको त्रिभुवन आर्मी क्लबले आज दिउँसो १ बजे सहिद स्मारक ‘ए’ डिभिजन लिगमा थ्री स्टार क्लबसँग भिड्दै छ । त्यस्तै, साझ पौने ५ बजे संकटा क्लबले ब्रिगेड ब्वाइज क्लबविरुद्ध प्रतिस्पर्धा गर्दैछ ।
आइतबार दशरथ रंगशालामा आर्मीलाई रोक्दै थ्री स्टार अंक तालिकामा आफ्नो स्थान सुधार गर्न चाहन्छ । आर्मीको प्रतिद्वन्द्वी थ्री स्टार पाँच खेलबाट ६ अंक जोडेर आठौँ स्थानमा छ ।
संकटाको प्रतिद्वन्द्वी ब्रिगेड ब्वाइज पाँच खेलबाट ५ अंक जोडेर दशौँ स्थानमा छ । त्यसैले ब्रिगेड ब्वाइज पनि संकटालाई हराउँदै रेलिगेसनको खतरा टार्ने लक्ष्यमा हुनेछ ।
प्रतिक्रिया दिनुहोस्