एजेन्सी । इटालियन क्लब नेपोलीले युरोपा लिगको अन्तिम १६ मा स्थान बनाएको छ । गएराति इंग्लिस क्लब लेस्टर सिटीलाई ३-२ अन्तरले पराजित गर्दै नेपोली नक आउटमा प्रवेश गरेको हो ।
चौथो मिनेटमै एडाम ओउनासको गोल गर्दै घरेलु टोलीलाई सुरुवाती अग्रता दिलाए। खेलको २४औं मिनेटमा इल्जिफ इल्मासले गोल गर्दै नेपोलीको अग्रता दोब्बर पारे। त्यसको ३ मिनेटपछि जोनी इभान्सले गोल गर्दै खेललाई २–१ को स्थितिमा ल्याए। ३३ औं मिनेटमा काइरनान डिउसवुरी हलले गोल गर्दै खेललाई २–२ गोलको बराबरीमा ल्याए। खेलको ५३ औं मिनेटमा इल्जिफ इल्मासले गोल गर्दै नेपोलीलाई पुनः खेलमा अग्रता दिलाएका थिए।
लेस्टर सिटी पराजित हुँदै युरोपा लिगको समूह चरणबाटै बाहिरियो।समूह सी बाट स्पारटाक मस्को विजेता बन्दा नेपोली उपविजेतको रुपमा अघिल्लो चरणमा स्थान बनायो ।
