१० मंसिर, काठमाडौँ। आईसीसी टी–२० विश्वकपको एसियन छनोट प्रतियोगितामा आज मलेसियाले नेपाली महिला क्रिकेट टोली सामु ९३ रनको लक्ष्य प्रस्तुत गरेको छ ।
आईसीसी एकेडेमीको ग्राउण्डमा टस हारेर ब्याटिङ थालेको मलेसियाले निर्धारित २० ओभरमा सात विकेटको नोक्सानीमा ९२ रन बनाएको हो ।
मलेसियाका लागि सबभन्दा धेरै एलसा हन्टरले अविजित ३९ रन बनाइन् । मास एलीसाले १४ र युसरिना याकोबले १२ रनको योगदान दिइन्।
नेपालकी सबनम राईले दुई विकेट लिँदा सिता रानामगर, कविता कुँवर र कप्तान रुविना क्षेत्रीको नाममा समान एकएक विकेट रह्यो ।
प्रतिक्रिया दिनुहोस्