९ मंसिर, काठमाडौं । आईसीसी ट्वान्टी–२० महिला विश्वकप क्रिकेटको एसियाली छनोट प्रतियोगितामा नेपाली महिला टोलीले कुवेतमाथि फराकिलो जित निकालेको छ। आफ्नो तेस्रो खेलमा नेपाली टोलीले कुवेतमाथि ९ विकेटको सानदार जित हात पारेको हो।
२८ रनको लक्ष्य पछ्याएको नेपालले ३.३ ओभरमा एक विकेटको नोक्सानीमा पूरा गर्यो ।कुवेतकी प्रियदा मुरलीले १० रन बनाउनुबाहेक अन्यले दोहोरो अंकमा रन बनाउन सकेनन् ।
नेपालकी कप्तान रुविना क्षेत्री र संगीता राईले समान तीन विकेट लिए । करुणा भण्डारी र सरस्वती कुमारीको नाममा समान एकएक विकेट रह्यो।
यसअघि, आइसिसी एकेडेमी दुबईमा टस जितेर पहिला ब्याटिङ थालेको कुवेत १५.४ ओभरमा २७ रनमा अल आउट भयो । कुवेतकी ओपनर प्रियदा मुरलीले सर्वाधिक १० रन बनाईन् । अन्य कुनैपनि ब्याटरले दोहोरो अंकमा रन बनाउन सकेनन् ।
पहिलो खेलमा पराजय व्यहोरेको नेपालले दोस्रो खेलमा भुटानमाथि ८ विकेटले जित हात पारेको थियो ।
