५ भदाै, एजेन्सी । अर्जेन्टिनाका स्टार फुटलबर लियोनल मेसी बार्सिलोना फर्किएका छन् । फ्रान्सको पेरिस सेन्ट जर्मनसँग व्यवसायिक सम्झाैता गरेका मेसी शुक्रबार बार्सिलोना फर्किएका हुन् ।
तर, उनी बार्सिलोनामा फुटबल खेल्न भने पुगेका होइनन् । पिएसजीमा अर्को सातामात्रै उनले खेल्ने भएपछि उनी बिदा मनाउन बार्सिलोना फर्किएका हुन् ।
मेसीसँगै उनकी पत्नी एन्टोनेला रोकुजो र तीन छोराहरू पनि फर्किएका छन् ।
बार्सिलोनामा केही दिन बिदा मनाएर उनी पुनः प्रस्थान गर्ने स्पेनिस मिडियाहरूले बताएका छन् ।
मेसीले स्पेनको शहर बार्सिलोनामा २१ वर्ष बिताएका छन् । उनले अगस्ट ९ तारिखमा पिएसजीसँग २ वर्षे व्यवसायिक सम्झाैता गरेका छन् ।
प्रतिक्रिया दिनुहोस्