देशभर घट्यो कोरोना संक्रमित हुनेको संख्या, थप कतिले जिते कोरोना, कतिको मृत्यु ?

१० जेठ, काठमाडाैँ । देशभर थप ७४२५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको पछिल्लो जानकारी अनुसार देशभरका विभिन्न प्रयोगशालामा गरिएको परीक्षणमा ती व्यक्तिहरूमा कोरोना संक्रमण पुष्टि भएको हो ।

गएको २४ घण्टामा देशभर थप १८५ जनाको मृत्यु भएको पनि मन्त्रालयले जानकारी दिएको छ । अहिलेसम्म देशभर कोरोना संक्रमणबाट मृत्यु हुनेको संख्या ६५३१ पुगेको छ ।

पछिल्लो २४ घण्टामा जम्मा ७१३५ जना कोरोना संक्रमणमुक्त भएका छन् ।

अहिलेसम्म देशभर कोरोना संक्रमण हुनेको संख्या ५ लाख २० हजार नाघेको छ ।

सल्लेरी खबर