२५ चैत, काठमाडौं। पछिल्लो २४ घण्टा यता नेपालमा थप ३३९ जनामा कोरोनाभाइरसको संक्रमण पुष्टि भएको छ ।
चार हजार एक सय जनाकाे पीसीआर परीक्षण गर्दा दुई सय ९८ जना र एक हजार ४० जनाको एन्टिजेन परीक्षण गर्दा ४१ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमका अनुसार काठमाडौंमा १३२, ललितपुरमा २६ र भक्तपुरमा ५ जनामा संक्रमण देखिएको छ ।
आज देशभर २ हजार २०१ सक्रिय संक्रमित रहेका छन् । ६५ जना आइसीयू र १३ भेन्टिलेटरमा राखेर उपचार भइरहेको छ । आज ७४ जना संक्रमणमुक्त भइ डिस्चार्ज भएका छन् ।
प्रतिक्रिया दिनुहोस्