२० चैत, काठमाडौं । काठमाडौं स्थित पेप्सिकोलामा कार अनियन्त्रित हुँदा एक जनाको ज्यान गएको छ ।
बिहान साढे ६ बजे भएको दुर्घटनामा गम्भीर घाइते उनलाई ट्रमा सेन्टर लगिएको थियो । तर, चिकित्सकहरुले मृत घोषणा गरे । मृत्यु हुनेमा तीनकुने बस्दै आएका २१ वर्षीय दितम गोभाजु छन् ।
प्रहरीका अनुसार गोभाजुसहित ७ जना बा १० च २८६४ नम्बरको कार मुलपानीबाट जडिबुटीतिर साथीको बर्थडे पार्टी मनाउन आउँदै गर्दा पेप्सिकोला काठमाडौं–३२ वडा कार्यालय अगाडि अनियन्त्रित भएर रेलिङमा ठोक्किएर दुर्घटना भएको हो ।
कारमा सवार अर्का एक जना युवा पनि घाइते भएको छन् । अन्यको अवस्था सामान्य छ । चालक २० वर्षीय वीरेन्द्रराज श्रेष्ठलाई प्रहरीले नियन्त्रणमा लिएको छ । घटनाका विषयमा थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्