१४ फागुन, काठमाडौं। नेपाल कम्युनिष्ट पार्टी (नेकपा) का उपाध्यक्ष तथा पार्टी एकता अभियानका संयोजक वामदेव गौतम प्रधानमन्त्री केपी शर्मा ओलीलाई भेट्न बालुवाटार पुगेका छन् ।
गौतम शुक्रवार दिउँसो बालुवाटार पुगेको उनका स्वकीयसचिव दीपक टमटाले जानकारी दिए ।पार्टी दुई समूहमा विभाजन भएयता गौतमले पार्टी एकता राष्ट्रिय अभियान चलाइरहेका छन् । उनले बिहीबार बिहान नेकपा प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’सँग छलफल गरेका थिए ।
उनले हिजो दाहालसँगको भेटमा ओलीलाई राजीनामा दिन लगाउने र नेकपाकै नेतृत्वमा सरकार बनाउन पहल गर्नुपर्ने प्रस्ताव राखेका थिए । गौतमले प्रधानमन्त्री ओलीले नैतिकताका आधारमा राजीनामा दिनुपर्ने बताईसकेका छन् । प्रतिनिधिसभा पूनःस्थापना गर्ने सर्वोच्च अदालतको फैसलापछि नेताहरुको दौडधुप बढेको छ ।
उनले ओली र प्रचण्ड–नेपालबीच एकताको प्रस्ताव राखेको बताइन्छ । केही दिनअघि उनले एक विज्ञप्ति जारी गर्दै पार्टी एकताका लागि दुवै अध्यलाई आग्रह गर्ने जानकारी दिएका थिए ।
