११ फागुन, सप्तरी । सप्तरीमा १० लाख रुपैयाँसहित दुई जना महिला पक्राउ परेका छन् ।
शंका लागेर चेकजाँच गर्दा उनीहरुको साथबाट १० लाख रुपैयाँ बरामद भएको र उनीहरुले उक्त रकमको स्रोत खुलाउन नसकेका कारण सप्तरी छिन्नमस्ता गाउँपालिका-५ बस्ने ३८ वर्षीया कविता दास र २२ वर्षीया रिंकु दासलाई प्रहरीले पक्राउ गरेको हो ।
उनीहरूलाई स्रोत नखुलेको दश लाख नगदसहित सशस्त्र प्रहरी बलको तिलाठीस्थित बिओपीको गस्ती टोलीले आज दिउँसो पक्राउ गरिएको सप्तरीका सशस्त्र प्रहरी उपरीक्षक राजु श्रेष्ठले बताए।
कारण बरामद रकमसहित दुवै जनालाई भन्सार कार्यालयको जिम्मा लगाउने तयारी भइरहेको उनले बताए ।
प्रतिक्रिया दिनुहोस्