१० फागुन, गुल्मी । लुम्बिनी प्रदेशका मुख्य मन्त्री शंकर पोख्रेलले केपी ओली २१औँ शताब्दीका अभिमन्यु भएको बताएका छन् । नेकपा ओली समुह गुल्मीले आज आयोजना गरेको जिल्ला स्तरीय अगुवा कार्यकर्ता भेलामा उनले यस्तो बताएका हुन् ।
केपी ओलीलाई महाभारतमा अभिमन्युलाई फसाए जस्तै फसाउन चक्रव्युह रचेता पनि त्सलाई ओलीले पराजित गर्दै उल्टै ओलीले माधव प्रचण्डलाई फसाएको जिकिर गरे ।
‘केपी ओली कुनै महाभारतको अभिमन्यु होइन । उहाँ त २१ औं शताब्दीको अभिमन्यु हो । त्यसकारण उहाँले उल्टै माधव प्रचण्डलाई सडकमा पठाउनु भयो ।’ उनले भने, ‘माधव कम्रेडहरुले घेराबन्दी गरेर पार्टी कब्जा गर्न चाहनुहुन्थो। जाल झेल बुनेर ओलीलाई गलाउने षडयन्त्र बुन्नु भएको थियो । तर, त्यो पुरा हुन ओलीले दिनु भएन, र त्यसको परिणाम अहिले प्रचण्ड-माधवले सडकमा गएर बिलौना गर्दै हुनुहुन्छ ।’
खड्का सल्लेरी खबरका लुम्बिनी प्रदेश सम्बाददाता हुन् ।