७ फागुन, रामेछाप । रामेछापको मन्थली नगरपालिका वडा नम्बर १ मच्छेडाँडीमा शुक्रबार बिहान बस दुर्घटना हुँदा १७ जना घाइते भएका छन्।
सेतिदेवी मावि सालुका विद्यार्थी र स्काउटको टोली चढेको बा ५ ख २८५७ नम्बरको बस दुर्घटना भएको हो ।
घाइते भएका मध्ये २ जनाको अवस्था गम्भीर छ । घाइतेहरु सबैको उद्धार गरी तामाकोशी अस्पतालमा उपचारका लागि भर्ना गरिएको छ ।
बसमा सदरमुकाम मन्थलीमा राष्ट्रपति रनिङ शिल्ड प्रतियोगितामा सहभागी हुन जाँदै गर्दा दुर्घटनामा परेको हो ।
प्रहरीका अनुसार तीव्र गतिमा मन्थली जाँदै गरेको बस विपरीत दिशाबाट आउँदै गरेको ट्याक्टरलाई साइड दिन खोज्दा भित्तामा ठोकिएर पल्टिएको थियो । बसमा ५३ जना सवार थिए ।
प्रतिक्रिया दिनुहोस्