२२ माघ, सुर्खेत । सुर्खेतमा मोटरसाइकलले ठक्कर दिँदा एक बालक घाइते भएका छन् । वीरेन्द्रनगरस्थित मंगलगडी चौकमा प्रदेश नम्बर ०३–०२–११ प ७७८५ नम्बरको मोटरसाइकलले ठक्कर दिँदा अन्दाजी १० वर्षीय बालक घाइते भएका हुन् ।
माधव–प्रचण्ड समूहले गरेको आम हडतालको क्रममा सुर्खेतको वीरेन्द्रनगर जुम्ला रोडको सत्कार होटल अगाडी मोटरसाइकलको ठक्करबाट बालक घाइते भएका उनलाई अस्पताल लगिएको छ।
ऐरीचोकबाट मंगलगढी चोकतर्फ तिव्र गतिमा आइरहेको मोटरसाइकल अनियन्त्रित भई दुर्घटना हुँदा बालकसहित चालक २५ वर्षीया रिसव कौसल घाइते भएका छन् । घाइते दुवै जनाको प्रदेश अस्पतालमा उपचार भइरहेको जिल्ला प्रहरी कार्यालय सुर्खेतले जानकारी बताएको छ ।
प्रहरीका अनुसार बन्दको अवज्ञा गरी मोटरसाइकल चलाएका व्यक्ति आन्दोलनकारीबाट भाग्न खोज्दा बालकलाई ठक्कर दिएको हो ।
