काठमाडौं । पछिल्लो समय निकै लोकप्रिय रहेको कमेडी रियालिटी शो ‘कमेडि च्याम्पियन’को दोस्रो श्रृङ्खला फागुनको २१ गतेबाट प्रशारण हुने भएको छ ।
दोश्रो सिजनको अडिसन राउन्ड सकिएर अहिले धमाधम फिजिकल अडिसनको छायांकन भइरहेको छ । दोश्रो सिजनलाई पहिलो सिजन भन्दा झनै उत्कृष्ट बनाउन कुनै कसर बाँकी नराख्ने यसका निर्देशक विशाल भण्डारीले बताए ।
पहिलो सिजन नै हिट भएपछि आयोजकले दोस्रो सिजजनको तयारी थालेको थियो, तर कोरोना महामारीका कारण प्रशारण रोक्न परेको थियो । दोश्रो सिजनको अडिसन राउन्ड सकिएर अहिले धमाधम फिजिकल अडिसनको छायांकन भइरहेको निर्देशक विशाल भण्डारीले बताए ।
थ्रि प्रोडक्शनको प्रस्तुतिमा तयार भइरहेको यो शोमा सन्तोष पन्त, मनोज गजुरेल, ऋचा शर्मा र प्रदिप भट्टराई निर्णायकको भूमिकामा छन् भने नायिका तथा मोडल रीमा विश्वकर्माले शोको होष्ट गरिरहेकी छन् ।
यो कार्यक्रम कान्तिपुर टेलिभिजनबाट हरेक शुक्रबार र शनिबार बेलुकी ९ बजे देखि १० बजेसम्म प्रशारण हुनेछ ।
