काठमाडौं । आफुमाथि कुटपिट र अभद्र व्यवहार भएको भन्दै नायिका सुस्मा कार्कीले प्रहरीमा उजुरी गरेकी छिन्।
काठमाडौंको ‘लण्डन पब’मा आफुमाथि कुटपिट तथा गालीगलौज भएको भन्दै प्रहरीकोमा पुगकी हुन् ।
मंगलबार दिउँसो उनी काठमाडौंको महानगरीय प्रहरी वृत्त, दरबारमार्गमा उजुरी दिन आएको प्रहरी नायब उपरीक्षक (डिएसपी) रामेश्वर पौडेलले बताए।
विभिन्न गसिपका कारण सुस्मा बेला बेलामा विवादमा आइरहन्छिन् । केही समयअघि मात्रै सुस्मा नायिका पुजा शर्माको फ्यानहरुले आफुमाथि अभद्र व्यवहार गरेको भन्दै प्रहरीसमक्ष पुगेकी थिइन् भने अहिले आफुमाती हात पात कुटपिट तथा गालीगलौज कारण विवादमा आएकी छन् ।
आफुमाथि एकजना पत्रकार र एक महिलाले कुटपिट तथा अभद्र व्यवहार गरेको भन्दै सुष्मा कार्यालय पुगेको प्रहरीले जनाएको छ । सुष्माले मौखिक रुपले प्रहरीलाई बताएपनि लिखित रुपले उजुरी भने दिएकी छैनन् ।
