Logo

के फेरी देशमा शहीद आवश्यक छ ?



रेखा पौडेल

 

ए भाइ के तिमीलाई थाहा छ ।

पहिला नेपाल त बाईसी चौविसी राज्य थियो रे नि,

टुक्राटुक्रा राज्य जोडेर सिङ्गगो नेपाल बनाउनलाई,

धेरै आमाका छोरा शहीद भएका हुन् रे त !

बाहिर कसैको आँखा नलागोस् भनेर,

नेपाललाई नेपालीको साझा फुलबारी बनाउने भनेर,

पृथ्वीनारायण शाहको रणनीति अनुसार अघी बढ्दै गर्दा,

हाम्रा पुर्खाहरू धेरै शहीद भएका छन् रे त !

चारैतिर बाट अंग्रेजहरुले आक्रमण गर्दा,

केवल नाङगो खुकुरीको भरमा लडेर,

अस्तित्वको लागि पानी बिना नै लड्दै,

आमालाई जोगाउनको लागि धेरै शहीद भएका छन् रे त !

नेपालको त आफ्नो नाम भयो सान भयो ।

तर नेपालीको कुनै अपनत्व भएन ।

सबै राणहरुको जहानिया शासनले खोस्यो भनी,

प्रजातन्त्रको लागि फेरी छोराहरू शहीद भए रे नि त !

नेपाल नै नेपालीको आफ्नो अस्तीतव हो भनेर,

सो अस्त्विलाई जोगाउनको लागि भनेर,

पुन नेपालमा गणतन्त्र, लोकतन्त्र आवश्यक छ भनी,

दशौ हजार नेपाली सपुतहरु शहीद भए रे नि,

गणतन्त्रको लागि चाहे जनयुद्द नै होस् या ।

लोकतन्त्रको लागि चाहे जनआन्दोन नै होस् ।

नेपालको परिवर्तनका लागि नै होला ।

नेपाल आमाका छोरा शहीद भएका छन् रे त !

प्रजातन्त्र त मेरो लागी इतिहास भयो ।

जनआन्दोलन पछि देशमा लोकतन्त्र पनि आयो ।

अब नेपाल पुन सघियतामा पनि गइसक्यो

प्रदेश प्रदेशको नाममा टुक्राटुक्रा पनि भइसक्यो ।

के अब फेरी कुनै इतिहास रच्ने हो र र ?

ठाउठाउमा, आफ्नै ठाउँमा, एउटाको स्वार्थको लागि,

के देशको नै अस्तित्व मेटाउनको लागि,

फेरी कुनै छोरा शहीद बन्ने हो त ?

 

प्रतिक्रिया दिनुहोस्