१३ माघ, चितवन। नेपाल कम्युनिष्ट पार्टी (नेकपा) दाहाल–नेपाल समूहका अध्यक्ष पुष्पकमल दाहाल प्रचण्डका राजनीतिक गुरू पुराना वामपन्थी नेता खम्बासिंह कुँवरको निधन भएको छ ।
उनले केही वर्षअघि मिर्गौला प्रत्यारोपणसमेत गराएका स्वनामको पछिल्लो समय कोरोना संक्रमणपछि स्वास्थ्य अवस्था बिग्रिएको थियो । गत असोज २८ गते कोरोना संक्रमण भएका स्वनामलाई पाटन अस्पतालमा उपचार गरेपछि कोरोना रिपोर्ट नेगेटिभ आएपनि उनलाई निमोनिया भएको बताइएको छ ।
२०११ सालदेखि कम्युनिष्ट पार्टीमा लागेका कुँवरले २०२२ सालदेखि आफ्नै नेतृत्वमा चितवनबाट प्रगतिशिल पार्टीको सुरुवात गरेका थिए । पछिल्लो समय उनी नेकपाको केन्द्रीय सल्लाहकारसमेत थिए ।
कुँवरको अन्तिम संस्कारमा सहभागी हुन नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ चितवन आएका छन् । प्रचण्डले पार्टीको झण्डा ओढाई कुँवरप्रति श्रद्धाञ्जली अर्पण गरे । प्रचण्डले उनलाई राजनीतिक गुरु मान्दै आएका छन् ।
