एजेन्सी । बलिउड अभिनेत्री कंगना रनावतले अर्की अभिनेत्री तापसी पन्नुलाई आफ्नो शैलीको नक्कल गरेको आरोप लगाएकी छिन्।
सुशान्तसिंह राजपुतको मृत्युपछि उब्जिएको नातावाद सम्बन्धी विवादमा पनि दुवै एकआपसमा राम्रैसँग भिडेका थिए । कंगनाले बलिउडभित्रको ‘नेपोटिजम’ ले सुशान्तलाई मारेको तर्क गरेकी थिइन् भने तापसीले प्रतिभा भए बाहिरको मानिसले पनि बलिउडमा प्रगति गरेको भन्दै आफूलाई प्रस्तुत गरेकी थिइन् ।
तर, तापसीको कुरा मन नपरेपछि कंगनाले ट्विटमा उनलाई व्यंग्य गर्दै आएकी छिन् । पछिल्लो समय फेरि कंगनाले तापसीलाई झटारो हानेकी छिन् । केही समयअघि कंगनाले एउटा फोटो सामाजिक सञ्जालमा पोस्ट गरिन् । तर, कंगनाका फ्यानले तापसीको त्यो फोटो कंगनाको फोटोसँग दुरुस्त मिलेको पत्ता लगाए ।
आफ्नो फ्यानको एक ट्विटर पोस्ट शेयर गर्दै उनले तापसीले पछिल्लो म्यागेजिन फोटोसुटकका क्रममा आफ्नो शैलीको नक्कल गरेको आरोप लगाएकी हुन्।
उनले बलिउडमा अभिनेता अमिताभ बच्चनपछि सबैभन्दा बढी आफ्नो शैलीको नक्कल गरिने पनि दाबी गरेकी छन्। कंगनाको एक फ्यानले तापसी र कंगनाको उस्तै–उस्तै पोज भएको फोटो राखेर तापसी सधैं कंगनाको नक्कल गर्ने गरेको लेखेका थिए।
केही समयअघि कंगनाले तापसीलाई बी ग्रेड एक्ट्रेस भनेपछि शुरु भएको तापसी र कंगनाबीचको दुश्मनी बेला–बेलामा सामाजिक सञ्जाल र उनीहरुले एक–अर्काका बोरेमा दिने अभिव्यक्तिमार्फत झल्किरहेको देख्न सकिन्छ।
