सिंगापुर । सिंगापुरको आन्तरिक सुरक्षा विभाग (आईएसडी) ले बुधवार सिंगापुरका एक व्यक्ति डिक्सन येओ जुन वेलाई पक्राउ गरेको छ ।
अमेरिकामा चीनका लागि जासुसी गर्ने गरेको पाइएपछि उनलाई पक्राउ गरिएको जनाइएको छ । आईएसडीका अनुसार उनलाई यसअघि अमेरिकामा १४ महिना जेलसमेत हालिएका थिए । “डिक्सन येओ बुधवार, ३० डिसेम्बर, २०२० मा सिंगापुर फर्केका थिए र त्यही दिन आन्तरिक सुरक्षा ऐन अन्तर्गत आईएसडीले पक्राउ गरेको हो ।
येओले अमेरिकी संघीय अदालतमा चिनियाँ गुप्तचरमा मौद्रिक अपचलनका लागि काम गरेको स्वीकारेका छन्,” आईएसडीले विज्ञप्तिमार्फत भनेको छ । अमेरिकी अनुसन्धानकर्ताहरुका अनुसार उनले यसअघि अन्य मुलुकहरुका लागि जासुसीको काम गरेका थिए । आईएसडीले येओलाई यदि उनले “सिंगापुरको सुरक्षाको लागि पूर्वाग्रहपूर्ण गतिविधिहरुमा संलग्न भए-नभएको विषयमा अनुसन्धान गर्ने जनाएको छ ।
सिंगापुरले आफ्ना नागरिकलाई हाम्रो सुरक्षा र राष्ट्रिय हितका लागि पूर्वाग्रहपूर्ण गतिविधिहरूको लागि कुनै पनि विदेशी शक्तिद्वारा हस्तक्षेप गर्न नदिने समेत जनाएको छ । सरकारले कुनै पनि सिंगापुरवासी विदेशी सरकारसँग जासुसी सम्बन्धमा प्रवेश गर्दछ र जासूसीमा संलग्न हुन्छ वा विदेशी शक्तिको आदेशमा विध्वंसकारी गतिविधिहरू गर्छ भने उनीहरुको सुरक्षाका लागि ग्यारेन्टी गर्न सक्दैन “विज्ञप्तिमा भनिएको छ।
मिडियाले यस अघि रिपोर्ट गरिसकेको छ कि २०२० जुलाईमा ३९ वर्षिय येओले संयुक्त राज्य अमेरिकामा चिनियाँ गुप्तचरको अवैध एजेन्टको रूपमा काम गरेकोमा दोष स्वीकारेका छन् । यु एस जस्टिस डिपार्टमेन्टका अनुसार सिंगापुरवासीले चिनियाँ गुप्तचरलाई बहुमूल्य जानकारी प्रदान गर्थे र अरुलाई पनि भर्ती गर्थे ।
चिनियाँ गुप्तचर सञ्चालकहरूको निर्देशनमा येओले कथित रूपमा चिनियाँ सरकारका लागि सूचना लिन अमेरिकी सरकारी अधिकारीहरू र एक सैन्य अधिकारीलाई लक्षित गरेका थिए ।
