२५ पुस, काठमाडौं । वरिष्ठ गायक भैरवनाथ रिमाल ‘कदम’को निधन भएको छ ।
पारिवारिक स्रोतले बताएनुसार शनिबार बिहान उनको निधन भएको हो । १९९३ माघ २० गते ठमेलमा जन्मिएका रिमाल कवि एवं गीतकारका रूपमा चर्चित छन् । कदमले लेखेको ‘जुन फूल मैले चाहेको थिएँ’, ‘उदास मेरो जीवन कथा’ लगायत गीत चर्चित छन् ।
रिमालको शब्दमा दीप श्रेष्ठले एक दर्जन गीत गाएका छन् । श्रेष्ठका अनुसार छोटो समयमा पनि धेरै गीत सृजना गर्न सक्ने क्षमता भैरवनाथ रिमालसँग थियो ।
प्रतिक्रिया दिनुहोस्