२३ पुस, एजेन्सी। नाइजेरियाका दुई छुट्टाछुट्टै सडक दुर्घटना परी कम्तीमा पनि २२ जनाको ज्यान गएको अधिकारीहरुले जानकारी दिएका छन् ।
प्राप्त समाचारमा नाइजेरियाको मध्य भागका दुई ठूला राजमार्गमा हिजो (बुधवार) सवारी दुर्घटना भएको थियो । नाइजेरियाको लोकोजा कागी राज्यमा बुधवार विहान सो दुर्घटना भएको थियो ।त्यसमा परी १४ जनाको ज्यान गएको थियो ।
त्यसैगरी नाइजेरियाको काबा क्षेत्रमा पनि यस्तै सवारी दुर्घटना भएको थियो । त्यसमा परी अरु आठ जना यात्रुको निधन भएको छ । ती दुर्घटनाहरुमा परी अरु २६ जना घाइते भएका छन् । उनीहरुलाई अस्पताल भर्ना गरिएको छ भने केहीको अवस्था गम्भीर रहेको पनि बताइएको छ ।
प्रतिक्रिया दिनुहोस्