१५ पुस, काठमाडौं । नेपाल कम्युनिस्ट पार्टी (नेकपा) पुष्पकमल दाहाल ‘प्रचण्ड’ र माधव नेपाल समूहको महिला संघको भेला पेरिसडाँडामा हुँदैछ ।
समूहले बिहान ११ बजे अखिल नेपाल महिला संघको वृहत भेला गर्दैछ । केन्द्रीय कार्यालय पेरिसडाँडामा हुने भेलालाई पार्टीका शीर्ष नेताहरुले सम्बोधन गर्ने नेता योगेश भट्टराईले जानकारी दिनुभयो ।
४४ सदस्यीय नेकपा स्थायी कमिटीमा सो समूहमा पक्षमा २७ जना सदस्य छन् । केपी ओलीको पक्षमा भने १६ जना स्थायी कमिटी सदस्य खुलेका छन् । पार्टी विभाजनपछि उपाध्यक्ष बामदेव गौतम भने अहिलेसम्म कुनै पक्षमा लागेका छन् ।
मंगलबार यो समूहले देशभर प्रदर्शन गरेको थियो। प्रदर्शनपछि काठमाडौंमा आयोजित विरोधसभालाई अध्यक्ष प्रचण्ड, माधवकुमार नेपाल, वरिष्ठ नेता झलनाथ खनाल, प्रवक्ता नारायणकाजी श्रेष्ठ, नेतृ अष्टलक्ष्मी शाक्यले सम्बोधन गरेका थिए ।
