एजेन्सी। जर्मन बुन्डेसलिगामा शीर्षस्थानमा रहेको बायर्न म्युनिख बराबरीमा रोकिँदा बोरुसिया डर्टमुन्ड पराजित भएको छ।
शनिबार राति भएको खेलमा बायर्न युनियन बर्लिनसँग उसकै मैदानमा १–१ गोलको बराबरीमा रोकिएको हो ।
घरेलु टोली युनियन बर्लिनका ग्रिस्चा पोर्मेलले गोल गर्दा बायर्नका रोबर्ट लेवान्डोस्कीले बराबरी गोल फर्काएका थिए ।
यो बराबरीले बायर्न ११ खेलबाट २४ अंक जोडेर शीर्षस्थानमा यथावत छ । बर्लिन १७ अंकसहित छैटौ स्थानमा छ ।
यस्तै, अर्काे खेलमा बोरुसिया डर्टमुन्डले घरेलु मैदानमा भिएफबी स्टुटगार्टसँग ५–१ को फराकिलो हार ब्यहोरेको छ ।
यो हारसँगै डर्टमुन्ड १९ अंक जोडेर पाँचौ स्थानमा झर्दा स्टुटगार्ट १७ अंक जोड्दै सातौ स्थानमा रहेको छ ।
प्रतिक्रिया दिनुहोस्