एजेन्सी। इटालियन लिजेन्ड फुटबलर पाउलो रोस्सीको निधन भएको छ । ६४ वर्षको उमेरमा बिहीबार बिहानै रोस्सीको निधन भएको इटालियन टिभी च्यानल राई स्पोर्टसले जनाएको छ।
१९८२ मा इटलीले विश्वकप जित्दा उनी टोलीका महत्त्वपूर्ण सदस्य थिए। उनले विश्वकपमा सर्वाधिक ६ गोल गर्दै गोल्डेन बुट पनि हात पारेका थिए ।
यद्यपी रोस्सीको निधनको कारण भने अझै खुलेको छैन ।
१९८२ को विश्वकपमा इटलीले ब्राजिललाई ३–२ ले हराएको खेलमा उनले निर्णायक ह्याट्रिक गरेका थिए ।
प्रतिक्रिया दिनुहोस्