एजेन्सी। रियल म्याड्रिड समूह विजेता बन्दै यूईएफए च्याम्पियन्स लिगको नकआउट चरणमा पुगेको छ । गएराति घरेलु मैदानमा मोन्चेनग्लाडबाकलाई २-० ले हराउँदै रियल अन्तिम १६ मा प्रवेश गरेको हो ।
इन्टर मिलान र शाख्तर डोनेस्कले गोलरहित बराबरी खेलेपछि रियल समूह विजेता बन्यो ।
खेलको नवौं मिनेटमा नै रियलले बेन्जेमाको गोलमा अग्रता बनायो । ३२ औं मिनेटमा बेन्जेमाले दोस्रो गोल गरे । उनले रोड्रीगोको क्रसमा हेडरमार्फत नै गोल गर्दै रियललाई २-० को अग्रता दिलाए ।
रियलले ६ खेलमा १० अंक जोड्दा ग्लाडबाक र शाख्तरको समान ८-८ अंक रहयो ।
प्रतिक्रिया दिनुहोस्