काठमाडौं । अर्काकी श्रीमती भगाएर तेस्रो बिहे गर्ने सल्यानको वनगाड कुपिण्डे नगरपालिका वडा नं ९ का वडाध्यक्ष इन्द्रबहादुर कुमाई पक्राउ परेका छन्। प्रहरीले वडाध्यक्ष कुमाई र उनले बिहे गरेकी श्रीमतीलाई समेत प्रहरीले शुक्रवार साँझ जयतपानी बजारबाट नियन्त्रणमा लिएको हो।
वडाध्यक्षविरुद्ध वडाबासीले बहुविवाहको जाहेरी दिएपछि पक्राउ गरिएको जिल्ला प्रहरी कार्यालय सल्यानले जनाएको छ। उनका यसअघि नै दुई श्रीमती छन्।
पक्राउ परेका दुवै जनालाई हिरासतमा राखी थप अनुसन्धान थालिएको प्रहरीले जनाएको छ।
प्रतिक्रिया दिनुहोस्