एजेन्सी। इंग्लिस प्रिमियर लिगमा लन्डन क्लब आर्सनल घरेलु मैदानमा वल्भ्ससँग पराजित भएको छ । आर्सनल वल्भ्ससँग २–१ ले पराजय ब्यहोरेको हो ।
इमिरेट्स स्टेडियममा खेलको २७औं मिनेटमा पेड्रो नेटोले गोल गर्दै वल्भ्सलाई अग्रता दिलाए । ३०औं मिनेटमा विलियनको पासमा गाब्रियलले गोल गर्दै खेललाई १–१ गोलको बराबरीमा ल्याए । ४२औं मिनेटमा ड्यानियल पोडेन्सले गोल गर्दै वल्भ्सलाई २–१ को अग्रता दिलाए ।
जितसँगै वल्भ्स १० खेलबाट १७ अंक जोडेर छैटौ स्थानमा उक्लिदा आर्सनल १३ अंकसहित १४औं स्थानमा रहेको छ ।
प्रिमियर लिगमा गएराति भएको दुई लण्डन क्लब टोटनहम हट्सपर र चेल्सीबीचको खेल बराबरीमा सकिएको छ । दुई क्लबले गोलरहित बराबरी खेल्दै अंक बाँडेका हुन् ।
बराबरीपछि १० खेलबाट २१ अंक जोडेको टोटनहम लिभरपुललाई गोलअन्तरमा पछि पार्दै शीर्ष स्थानमा फर्किएको छ । यस्तै समान खेलबाट १९ अंक जोडेको चेल्सी तेस्रो स्थानमा छ ।
