एजेन्सी । चीनमा एक जना युवकले एकै पटक १७ जना युवतीसँग प्रेम गरेका छन् । १७ जना युवतीसँग ढाटेर प्रेम गरेका युवक यतिबेला ठूलो समस्यामा परेका छन् ।
चीनको हुनान प्रान्तमा बस्ने एक जना व्यक्तिले एकैपटक यतिधेरै युवतीसँग प्रेम गरेका हुन् । ती युवकको नाम युआन हो । उनले एक पछि अर्की युवतीलाई ढाँट्दै १७ जना युवतीसँग प्रेम गर्न पुगेका हुन्। ती १७ जना मध्ये केहीलाई उनले गर्भवति बनाएको र त्यसमध्ये केही घरबार विहीन भएको समेत बताइएको छ ।
ती युवकले एकैपटक १७ जना युवतीसँग प्रेम गरेको घटना सार्वजनिक हुन ती व्यक्ति बिरामी हुनुपर्यो । उनी बिरामी भएको खबर सबै जना प्रेमीकासम्म पुगेपछि १७ जना नै अस्पताल पुगेको र यो घटना बाहिरिएको बताइएको छ ।
त्यहाँ पुगेका युवतीले युआनको प्रमेका भएको बताएपछि सबै जना चकित भएका छन् । ती १७ जना युवतीहरूसँग नै युआनको शारीरिक सम्बन्ध समेत भएको पाइएको छ । युआनका १७ जना प्रेमीकाहरूले नै युआनविरूद्ध उजुरी दिएपछि प्रहरीले यो विषयमा थप अनुसन्धान गरिरहेको छ ।
