९ मंसिर, बैतडी। जीप दुर्घटना हुँदा पाँच जनाको मृत्यु भएको छ। झुलाघाटबाट गोठलापानी आउँदै गरेको ना १ ज २१९६ नम्बरको जीप दशरथचन्द नगरपालिका १० बुड्डामा आज दिउँसो दुर्घटनामा परेको हो।
दुर्घटनामा परी पाँच जना घाइते भएको जिल्ला प्रहरी कार्यालयका प्रवक्ता प्रहरी निरीक्षक जनकबहादुर धामीले जानकारी दिए। घाइतेहरुको जिल्ला अस्पतालमा उपचार भइरहेको छ।
तीव्र गतिमा रहेको जीप अनियन्त्रित भई दुर्घटनामा परेको हुन सक्ने प्रहरीले अनुमान गरेको छ।
दुर्घटनामा परेर मृत्यु भएका सबै जना भारतबाट पेन्सन बुझेर घर फर्किदै थिए।
प्रतिक्रिया दिनुहोस्