एजेन्सी। लिभरपुल इंग्लिस प्रिमियर लिगमा लेस्टर सिटीलाई हराउँदै दोस्रो स्थानमा उक्लिएको छ। लिभरपुलले घरेलु मैदानमा गएराती लेस्टरमाथि ३–० को सानदार जित निकालेको हो ।
लिभरपुलले खेलको २१औं मिनेटमा आत्ममघाती गोलबाट अग्रता बनायो । जोनी इभान्सले आफ्नै पोस्टमा गोल गर्न पुगेका थिए ।
४१औं मिनेटमा एन्ड्रिउ रोबर्टसनको पासमा डिएगो जोटाले गोल गर्दै लिभरपुललाई २–० को अग्रता दिलाए । ८६औं मिनेटमा जेम्स मिल्नरको पासमा फिर्मिन्होले गोल गर्दै लिभरपुललाई ३–० को सानदार जित दिलाए ।
यो जितसँगै लिभरपुल ९ खेलबाट २० अंक जोडेर दोस्रो स्थानम उक्लिएको छ । लेस्टर १८ अंक जोडेर चौथो स्थानमा झरेको छ ।
प्रतिक्रिया दिनुहोस्