एजेन्सी। युरोपा लिगको समूह चरणमा इंग्लिस क्लब टोटेनहमले बुल्गेरियन क्लब लुडोगोरेट्स राजग्राडलाई उसकै मैदानमा ३–१ ले पराजित गरेको छ ।
हुवेफर्मा एरिनामा बिहीबार राति भएको खेलमा टोटेनहमको सहज जितमा ह्यारी केन, लुकास मोउरा र जियोभानी लो सेल्सोले गोल गरे । घरेलु टोलीका क्लाउडिउ केसेरुले सान्त्वना गोल फर्काए ।
यो जितसँगै टोटेनहम समुह ‘जी’ मा ३ खेलबाट ६ अंक जोडेर शीर्षस्थानमा उक्लिएको छ ।
अर्को खेलमा इंग्लिस क्लब आर्सनलले लगातार तेस्रो जित हात पारेको छ । घरेलु मैदानमा आर्सननले नर्वेजियन क्लब मोल्देमाथि ४–१ को पूनरागमन सानदार जित निकालेको हो ।
दुई आत्मघाती गोल सहयोगमा खेलमा फर्किएको आर्सनलका लागि निकोलस पेपे र जोसेप विललकले गोल गरे । घरेलु टोलीका मार्टिन इलिङसेनले गरेको गोल सान्त्वना बन्यो ।
यो जितसँगै समूह ‘ए’ मा लगातार तेस्रो जित निकालेको आर्सनलको ९ अंक पुगेको छ । पराजित मोल्दे ६ अंकसहित दोस्रो स्थानमा रहेको छ ।
त्यस्तै युसुफ याजिसीको ह्याट्रिक सहयोगमा इटालियन क्लब एसी मिलानले युइएफए युरोपा लिगमा पहिलो हार बेहोरेको छ । मिलानले घरेलु मैदानमै फ्रान्सेली प्रतिद्धन्द्धी लिलसँग ३–० को लज्जास्पद हार बेहोरेको हो ।
यससँगै मिलानको २९ खेलमा अपराजित यात्रामा पुर्णविराम लागेको छ ।
यो हारले समूह ‘एच’ मा शीर्षस्थान गुमाउदा लिल शीर्षस्थामा फर्किएको छ ।
