१९ कार्तिक, काठमाडौं । नेपालमा पछिल्लो २४ घन्टामा गरिएको १३१४४ पिसिआर परीक्षणमा थप ३३०९ जना कोरोना संक्रमित थपिएका छन् । योसंगै नेपालमा कोरोना संक्रमित संख्या १ लाख ८२ हजार ९२३ पुगेको स्वास्थ्य तथा जनसंख्या मन्त्रालयले जानकारी दिएको छ।
पछिल्लाे २४ घण्टामा ३ हजार ८४४ जना कोरोनामुक्त भएर डिस्चार्ज भएका छन्। योसहित कोरोना संक्रमणमुक्त भएपछि डिस्चार्ज हुनेको संख्या १ लाख ४४ हजार ९७८ पुगेको छ।
त्यस्तै पछिल्लाे २४ घण्टामा हालसम्मकै सर्वाधिक ३० जनाको कोरोना संक्रमणबाट मृत्यु भएको छ। यो सहित नेपालमा कोरोना संक्रमणबाट मृत्यु हुनेको संख्या १ हजार ३४ पुगेको छ।
प्रतिक्रिया दिनुहोस्