एजेन्सी। एटलेटिको म्याड्रिडले शनिबार स्पेनिस ला लिगामा ओसासुनामाथि ३-१ को सहज जित निकालेको छ ।
पहिलो हाफमा पेनाल्टीबाट टोलीलाई अग्रता दिलाएका फेलिक्सले दोस्रो हाफमा भने पेनाल्टी चुकाएका थिए । फेलिक्सले ६९ औं मिनेटमा सानदार गोल गर्दै उनले टोलीलाई २-० को अग्रता दिलाए । ओसासुनाको आन्टे बुदिमिरले ८० औं मिनेटमा हेडरमार्फत गोल गर्दै खेलमा फर्कने संकेत दिए । ८८ औं मिनेटमा काइरन ट्रीपिएरको क्रसमा लुकास टोरेराले गोल गर्दै एटलेटिकोको जित पक्का गरे ।
लिगमा अपराजित म्याड्रिडको यो लगातार तेस्रो जित हो । लिग तालिकामा एटलेटिको १४ अंकसहित तेस्रो स्थानमा छ ।
प्रतिक्रिया दिनुहोस्