१४ कार्तिक, बेनी । हिमाली जिल्ला म्याग्दीको गलेश्वर बेनी सडक खण्डमा जीप दुर्घटना हुँदा एक जनाको मृत्यु भएको छ भने ११ जना घाइते भएका छन् ।
जिल्लाको रघुगंगा गाउँपालिका–६ ठाडाखानीबाट सदरमुकाम बेनी तर्फ आउँदै गरेको ध१ज ८९६ नम्बरको जिप बेनी नगरपालिका–८ र ९ को सीमानामा दुर्घटना हुँदा अन्नपुर्ण गाउँपालिका–२ भूरुङ तातोपानीकी १० वर्षिय रिया बि.क.को मृत्यु भएको छ ।
गाडी सडक भन्दा तल कालिगण्डकी किनारमा पुगेको र दुर्घटनाको कारण बारेमा अनुसन्धान भै रहेको जिल्ला प्रहरी कार्यालय म्याग्दीका सूचना अधिकारी इन्सपेक्टर डाक्टर प्रसाद चौधरीले जानकारी दिए ।
प्रतिक्रिया दिनुहोस्