एजेन्सी। युरोपा लिग फुटबल अन्तर्गत समूह चरणको खेलमा आर्सनल र लेस्टर सिटीले जित निकालेको छ। बिहीबार राति प्रिमियर लिग क्लब आर्सनलले समूह बीको खेलमा रिपब्लिक अफ आयरल्याण्डको क्लब डुनडल्कलाई ३–० गोलले पराजित गरेको हो ।
आर्सनलको जितमा एडवर्ड निक्केया, जोसेफ विलोक र निकोलस पेपेले समान एक–एक गोल गरे।
समूह जीको अर्को खेलमा लेस्टर सिटीले ग्रिकको क्लब एइके एथेन्ससंग २–१ को जित निकाल्यो। जेमी भार्डीको पेनाल्टीमा पाहुना टोली लेस्टरले सुरुवातमै अग्रता बनाएको थियो । ३९ औं मिनेटमा हमजाले लेस्टरको अग्रता दोब्बर पारे। घरेलु टोलीका मुअम्बर टेन्कोविकले ४९ औं मिनेटमा एक गोल फर्काएका थिए।
प्रतिक्रिया दिनुहोस्