एजेन्सी। च्याम्पियन्स लिग अन्तर्गत गएराती समूह बी को खेलमा रियल म्याड्रिड बोरुसिया मोन्चेनग्लाडबाकसँग बराबरी खेलेको छ । बोरुसियामा भएको खेलमा रियल अन्तिम समयमा पुनरागमन गर्दै खेल २-२ को बराबरी गरेको हो ।
खेलको ३३ औं मिनेटमा घरेलु टोलीले एलेसन प्लेयाको पासमा मार्कस थुरामको गोलमा अग्रता बनायो । दोस्रो हाफको ५८ औं मिनेटमा थुरामले नै अग्रता दोब्बर पारे । ८७ औं मिनेटमा करीम बेन्जेमाले गोल गर्दै खेलमा फर्कने संकेत दिए । इन्ज्युरी समयको तेस्रो मिनेटमा क्यासेमिरोले सर्जियो रामोसको पासमा गोल गर्दै खेल बराबरी गरे ।
यस बराबरीका बाबजुद रियल अंक तालिकामा भने पुछारमा नै रहेको छ ।
समूहको अर्को खेलमा इन्टर मिलान र शाख्तर डोनेस्कले गोलरहित बराबरी खेले ।
प्रतिक्रिया दिनुहोस्