एजेन्सी। साविक विजेता बायर्न जर्मन बुन्डेसलिगामा पहिलोपटक पराजित भएको छ। बायर्न डिसेम्बर २०१९ पछि पहिलो पटक होफिनहेइमसँग ४-१ ले पराजित भएको हो।
इर्मिन बिकाकिकको गोलबाट होफिनहेइमले १६औं मिनेटमा अग्रता बनायो। मुनास डबुरले २४औं मिनेटमा अग्रता दोब्बर बनाए। जोशुवा किमिचले ३६औं मिनेटमा गरेको गोलबाट बायर्नले खेलमा फर्किने संकेत देखाएको थियो।
होफिनहेइमका आन्द्रेज क्रामारिकले ७७औं मिनेट र इन्जुरी समयमा गोल गरेपछि भ्रमणकारी बायर्न निरिह बन्यो।
बायर्न पछिल्लो ३२ खेलमा अपराजित थियो। त्यसमध्ये बायर्नले २३ खेल जितेको थियो।
प्रतिक्रिया दिनुहोस्