एजेन्सी । साविक विजेता मुम्बई इन्डियन्सले इन्डियन प्रिमियर लिग (आईपीएल) मा पहिलो जित निकालेको छ । गएराति भएको खेलमा कोलकत्ता नाइट राइडर्सलाई ४९ रनले पराजित गरेको हो ।
शेख जायद स्टेडियममा मुम्बईले दिएको १ सय ९६ रनको लक्ष्यसहित जवाफी ब्याटिङ गरेको कोलकत्ताले २० ओभरमा ९ विकेटको नोक्सानीमा १ सय ४६ रन मात्र बनाउन सक्यो ।
यस अघि टस हारेर पहिले ब्याटिङ थालेको मुम्बईले २० ओभरमा ५ विकेट गुमाएर १ सय ९५ रन बनायो । मुम्बईका लागि कप्तान रोहित शर्माले ८० रनको अर्धशतकीय इनिङ्स खेले ।
उनले आईपीएलमा २०० सय छक्काको कोशेढुंगा समेत पुरा गरे । यस्तै सूर्यकुमार यादबले ४७ रन जोड्दा सौरभ तिवारीले २१ रन बनाए । कोलकत्ताका शिवम माभीले २ विकेट लिए ।
प्रतिक्रिया दिनुहोस्