एजेन्सी । इङलिस प्रिमियर लिग फुटबल अन्तर्गत गएराती भएको पहिलो खेल म्यान्चेस्टर युनाइटेडले पराजय ब्यहोरेको छ । म्यान्चेस्टर युनाईटेडलाई क्रिष्टल प्यालेसले ३–१ ले पराजित गरेको हो ।
खेलको सातौँ मिनेटमा नै एन्ड्रोस टाउनसेन्डको गोलबाट क्रिष्टलले अग्रता बनायो । ७४ औँ मिनेटमा विवादास्पद पेनाल्टीमार्फत जाहाले प्यालेसको अग्रता दोब्बर बनाए । भान डे विकले युनाइटेडका लागि गोल फर्काए पनि जाहाले अर्को गोल थप्दै प्यालेसलाई ३–१ को जीत दिलाए ।
प्रिमियर लिगकै अर्को खेलमा आर्सनलले वेष्ट ह्याम युनाइटेडलाई २–१ ले हरायो।
गए राति भएका अन्य खेलहरुमा लिड्स युनाईटेडले फुल्हमलाई ४–३ ले हराउँदा एभर्टनले वेष्ट ब्रोममाथि ५–२ को जित निकाल्यो ।
प्रतिक्रिया दिनुहोस्