एजेन्सी । पाकिस्तानविरुद्धको दोस्रो टी–ट्वान्टी क्रिकेटमा इङ्गल्याण्ड विजयी भएको छ । गएराति भएको खेलमा पाकिस्तानमाथि इङ्गल्याण्डले ५ विकेटले जित हात पारेको हो ।दोस्रो टी–ट्वान्टीमा जित निकालेसँगै तीन खेलको सिरिजमा इंग्ल्यान्डले १–० को अग्रता बनाएको छ ।
पाकिस्तानले दिएको १ सय ९६ रनको विजयी लक्ष्य इंग्ल्यान्डले १९ ओभर १ बलमा मात्र ५ विकेट गुमाएर पूरा गरेको हो ।
इंग्ल्यान्डको जितमा कप्तान इयान मोर्गनले ६६ रन र डाविड मालनले अविजित रहदै ५४ रनको अर्धशतकीय इनिङ्स खेलेका थिए । त्यसबाहेक इंग्ल्यान्डका जोनी बेयर्स्टोले ४४ तथा टम बानटनले २० रन जाेडे ।
पाकिस्तानका शादब खानले ३ तथा हरिस राउफले २ विकेट लिए ।
यसअघि पहिले ब्याटिङ थालेको पाकिस्तानले २० ओभरमा ४ विकेट गुमाएर १ सय ९५ रन बनाएको थियो ।
दुई टिमबीचको अन्तिम तथा तेस्रो खेल सेप्टेम्बर १ मा हुनेछ ।
