एजेन्सी । नेपाली राष्ट्रिय टोलिको लेग स्पिनर सन्दीप लामिछाने आबद्ध जमैका तलावाजले क्यारेबियन प्रिमियर लिग (सिपिएल) मा विजयी सुरुवात गरेको छ। जमैकाले बुधबार राती सेन्ट लुसिया जुक्सलाई ५ विकेटले हराउँदै विजयी सुरुवात गरेको हो ।
१ सय ५९ रनको विजयी लक्ष्य पछ्याएको जमैकाले १८.५ ओभरमा ५ विकेटको नोक्सानी मा लक्ष्य भेटायाे । आसिफ अली २७ बलको सामाना गर्दै ४७ रनमा अविजित रहँदै जित पक्का गरे ।
त्यसअघि टस हारेर ब्याटिङ थालेको जुक्सले निर्धारित २० ओभरमा ७ विकेटको नोक्सानीमा १ सय ५८ रन बनाएको थियो। जुक्सका लागि रोस्टन चेशले ४२ बलमा ४ चौका र २ छक्का सहित सर्वाधिक ५२ रनको योगदान दिए ।
नेपाली स्पिनर सन्दिप लामिछानेले राम्रो किफायती बलिंग गर्दै ४ ओभरमा २३ रन खर्चेर १ विकेट लिए। यस क्रममा उनले नजीबुल्लाह जद्रानको विकेट लिए। आन्द्रे रसेलको नाममा १ विकेट रह्यो ।
जमैकाले शुक्रबार बिहान ट्रीनबेगो नाइट राइडर्सविरुद्ध प्रतिस्पर्धा गर्दैछ।
