१२ साउन, जुम्ला । जुम्ला कनकासुन्दरी गाउँपालिका–४ का ऐनबहादुर शाहीले आफ्नै ७५ वर्षीय बुबा दानबहादुरको हत्या गरेका छन् ।
बाहिर मदिरा सेवन गरी घर आएका ऐनबहादुरमाथि कुटपिट गरी बुबाको हत्या गरेको आरोप लगाइएको प्रहरी नायब उपरीक्षक लालबहादुर धामीले जनाएका छन् ।
ऐनबहादुरले मदिरा सेवन गरेर आफ्नै बुबालाई कुटपिट गरि शनिबार राति हत्या गरेका छन् ।घटनापछि घाइते दानबहादुरलाई उपचारका लागि सदरमुकाम ल्याउँदै गर्दा बाटैमा मृत्यु भएको र शव परीक्षणका लागि कर्णाली स्वास्थ्य विज्ञान प्रतिष्ठान शिक्षण अस्पतालमा ल्याइएको छ ।
मृतकको टाउको, आँखा र कोखामा चोटपटक लागेको आरोपमा छोरा ऐनबहादुरलाई प्रहरीले नियन्त्रणमा लिएको र सदरमुकाम ल्याएको प्रहरी निरीक्षक देवराज भट्टराई सहितको टोली कनकासुन्दरीको घटनास्थल चौकीमा गएको जिल्ला प्रहरी कार्यालयले जनाएको छ ।
