असार ३०, काठमाडौं । नवलपरासीको विनयी त्रिवेणी गाउँपालिका २ को दाउन्नेमा पहिरो खस्दा पूर्व–पश्चिम राजमार्ग अवरुद्ध भएको छ ।
दाउन्नेको विश्वकर्मा मन्दिरको नजिकै घिउखोलामा आज बिहान पहिरो खसेपछि राजमार्ग अवरुद्ध भएको हो ।
पहिरोसँगै खसेको रुखले बा १४ च ७०२० नम्बरको कार र ना ६ ख १५५९ नम्बरको ट्रक च्यापिएको प्रहरीले बताएको छ । मानवीय क्षति भने नभएको प्रहरीले जनाएको छ । पहिरोका कारण सवारी साधनको लामो लाइन लागेको छ ।
बाटो खुलाउने प्रयास भइरहेको प्रहरीले बताएको छ ।
प्रतिक्रिया दिनुहोस्