असार ३०, काठमाडौं । मोटरसाइकल चलाउँदै गर्दा रुखको हाँगा खसेर चालकको मृत्यु भएको छ । दाङको तुलसीपुर उपमहानगरपालिका ११ को लहलौराका २३ वर्षीय तुलसी चौधरीको मोटरसाइलक चलाइरहेको अवस्थामा रुखको हाँगा खस्दा मृत्यु भएको हो ।
चालक रा २ प ८८० नम्बरको मोटरसाइकलमा लहलौराबाट तुलसीपुर आउँदै थिए । रुखको हाँगा खसेर गम्भीर घाइते भएका चौधरीलाई राप्ती प्रादेशिक अस्पतालमा उपचार हुँदै थियो । उपचारको क्रममा उनको ज्यान गएको जिल्ला प्रहरी कार्यालय दाङले जनाएको छ ।
प्रतिक्रिया दिनुहोस्