असार २०, काठमाडौं । बझाङमा पहिरोमा परी ३ जनाको ज्यान गएको छ भने ४ जना बेपत्ता भएका छन् ।
जिल्लाको केदार स्युँ गाउँपालिका ८ मल्लेस गाउँमा पहिरो जाँदा एकै परिवारका ४२ वर्षीय राममति देवी जेठारा, उनका ११ वर्षीय छोरा प्रयाग जेठारा र ७ वर्षीया छोरी अस्मिता जेठाराको मृत्यु भएको छ । यसैगरी ४ जना बेपत्ता भएका छन् ।
शुक्रबार अविरल वर्षाका कारण आएको पहिरोले १७ घर पुरेको छ । घर पुरिएपछि मानिसको बिचल्ली भएको छ । खोलामा बाढी आएका कारण घटनास्थलमा प्रहरी पुग्न सकेको छैन । स्थानीयले बेपत्ता भएकाको खोजीकार्य गरिरहेका छन् ।
प्रतिक्रिया दिनुहोस्