असार १८,काठमाडौं । बारामा चट्याङ लागी ४ जना महिलाको मृत्यु भएको छ । बिहीबार बिहान बाराको कलैया उपमहानगरपालिका १२ शितलपुरमा २ जना र फेटा गाउँपालिका १ मा २ जना गरी ४ जनाको ज्यान गएको जिल्ला प्रहरी कार्यालय बाराले जनाएको छ ।
शितलपुरको खेतमा रोपाइँ गरिरहेका ३५ वर्षीया आशादेवी महतो र ४५ वर्षीया हलिमा खातुनको चट्याङ लागी ज्यान गएको हो । यसैगरी फेटामा घरमा चट्याङ लागी एकै घरका ३० वर्षीया इन्दुदेवी महतो र ४० वर्षीया सुनापतिदेवी महतोको चट्याङ लागी मृत्यु भएको प्रहरीले जनाएको छ ।
फेटामा चट्याङ लागेर पाँज जना घाइते भएका छन् । घाइतेहरुको उपचार भइरहेको छ ।
प्रतिक्रिया दिनुहोस्