असार १६, काठमाडौं । कोरोना भाइरस र सरकारी लाचारीको बिरुद्ध खबरदारी गर्दै स्वतस्फूर्त युवा जमातले सुरुवात गरेको अभियान इनफ इज इनफ – अब त अत्ति भाे प्रदर्शनले निरन्तरता पाएको छ ।
मंगलबार राजधानीको व्यस्त चोक बानेश्वरमा भएको प्रदर्शन मा युवाहरुले हातमा प्ले कार्ड र किताब लिएर सरकारको चेतनालाई व्यङ्ग गरेका थिए । बिहान १० बजे सुरु भएको उक्त भेलाले करिब दुई घण्टा निरन्तरता पाएको थियो ।
अभियानका सुरुवातकर्ता ई पाटन दरबार स्क्वायरमा विगत पाँच दिनदेखि निर्जला अनशनमा छन् । अभियन्ता पुकार बम लगायत अन्यले पनि उक्त अनशनमा साथ दिएका छन् । बानेश्वरमा गरिएको प्रदर्शन उक्त अभियन्ताको जीवनरक्षा तथा नागरिकको स्वास्थ्य सुरक्षाको मागको निमित्त भएको प्रदर्शनकारीहरुले बताए ।
कोरोना संक्रमण फैलावटमा तीव्र वृद्धि भैरहेको छ भने सरकारले दैनिक पीसीआर टेस्ट दश हजारबाट घटाएर सात हजारमा झारेको छ ।
अभियानका केही झलकहरू
