असार ११, काठमाडौं । सप्तरीमा जिपको ठक्करबाट मोटरसाइकलमा सवार आमाछोराको मृत्यु भएको छ ।
सप्तरीको कल्याणपुर बजारमा स १ झ ७८७ नम्बरको जिपले आमाछोरा सवार भएको स १० प ९०५० नम्बरको मोटरसाइकललाई ठक्कर दिएपछि उनीहरुको घटनास्थलमै मृत्यु भएको सप्तरीको प्रहरीले जनाएको छ ।
जिप लहानबाट कञ्चनपुरतिर आउँदै थियाे । सोही क्रममा मोटरसाइकललाई ठक्कर दिएको हो ।
मृत्यु हुनेमा खड्ग नगरपालिका ५ की ६५ वर्षीय सुधनीदेवी दास र उनको छोरा ३७ वर्षीय विरेन्द्र दास रहेका छन् । प्रहरीले जिप चालकलाई नियन्त्रणमा लिएको छ ।
प्रतिक्रिया दिनुहोस्