एजेन्सी । कोरोना फ्री भनी घोषणा भएको न्यूजिल्याण्डमा पुनः दुई जनामा कोरोना संक्रमण देखिएको छ । बितेको २४ दिनमा न्यूजिल्याण्डमा कोरोनाको एक केस पनि थिएनन् तर, मंगलबार दुई जनामा संक्रमण भएको बताइएको छ ।
संक्रमितहरु दुबै महिला भएको र उनीहरु बेलायतबाट आएका हुन् । उनीहरु अभिभावकको अन्तिम संस्कारमा सहभागी हुन आएका थिए ।
बितेको साता न्यूजिल्याण्डले देश कोरोना भाइरसबाट मुक्त भएको भनी घोषणा गरेको थियो । उक्त घोषणापश्चात् आन्तरिक प्रतिबन्धहरु हटाइएको थियो । यद्यपि सीमा क्षेत्र भने अझै पनि बन्द नै छ ।
प्रतिक्रिया दिनुहोस्